Uso do procesador de textos

Nesta avaliación imos aprender a utilizar un programa de procesador de textos: o LibreOffice ou o OpenOffice. Ambos programas son gratuítos e de uso libro e o seu uso é moi similar.

Para comezar imos ver un par de vídeos e despois cada un de vós vai facer un traballo no tempo de clase.




Nese traballo podedes escoller entre:

• un texto propio (por exemplo o do traballo da árbore da 1ª avaliación) 
• ou un texto que podes copiar entre os seguintes:

• o carballo
• as anxiospermas

En todo caso o teu texto terá que ter as seguintes características:

• Ter unha certa cantidade de texto escrito
• Ter diferentes apartados (polo menos catro ou cinco)
• O título de cada apartado deberá ter o estilo: Título 1 ou Encabezado 1 (segundo o ordenador que teñas)
• O resto do texto dos apartados deberá ser Normal ou Corpo
• A portada será adecuada: co título en letra grande e o teu nome en letra máis pequena e no fondo da primeira páxina do documento.
• O texto deberá estar todo xustificado.
• Aparece a bibliografía ao final con todas as fontes usadas, ben en papel ou de internet.

Se queres levar boa nota, ademais terase en conta se:

• Leva algunha ilustración: foto, debuxo, ou imaxe
• Leva número de páxina.
• O texto está correcto.
• A presentación é elegante: boas cores nos títulos, etc.

Práctica de mecanografía

Neste segundo trimestre imos realizar uns traballos en procesador de textos no ordenador.

Para poder traballar comodamente en co procesador de textos ou en internet, cómpre empregar todo o teclado correctamente. Se 

non tes a suficiente axilidade, podes probar cun programa de mecanografía como os que aquí che propoñemos:

teclado Qwerty español - Wikipedia 

1. SENSE-LANG
2. MECANOGRAFÍA ON LINE
3. ARTYPIST
4. TYPING STUDY

Notas de clase

Notas ITI from Ana Arias Castro

Elaborar unha bibliografía

Ao final de cada traballo é conveniente que fagades figurar que libros ou páxinas web consultastes. No caso dos libros poñemos:

APELIDOS DO AUTOR, Nome (data de publicación) Título do libro en cuestión. Lugar de publicación: Editorial.

• CARLBERG, Conrad (2010) Análisis estadístico con Excel. Madrid: Anaya.
• FEIJOO, Pedro (2012) Os fillos do mar. Vigo: Xerais.

Cando facemos os traballos a man, en lugar de usar a cursiva para o título, podemos subliñalo.

• CARLBERG, Conrad (2010) Análisis estadístico con Excel. Madrid: Anaya.
• FEIJOO, Pedro (2012) Os fillos do mar. Vigo: Xerais.

Tamén poñemos as páxinas web consultadas, copiando o título e o URL do enderezo:

• Wikipedia, en https://gl.wikipedia.org/wiki/Pedro_Feijoo Consultado o 20 de novembro de 2015.

Finalmente para que nos quede mellor a bibliografía, ordenámola alfabeticamente, coa función que teñen os procesadores de textos. (exemplo)

Como debe ser un bo traballo de clase

Este é un compendio das características que debe ter un bo traballo de clase:

modelo de falsilla

• Debe estar curioso.
• Debe ter boa letra e esta debe lerse ben.
• Non se debe copiar de internet os contidos de forma idéntica.
• Non se deben repetir as palabras innecesariamente.
• Debe ter unha portada ben feita e curiosa e as demais follas deben respectar as marxes (2 a 3 cm de cada lado).
• Se son varias follas, estas deben estar grampadas.
• Non se deben cometer faltas de ortografía nin de puntuación.
• Non se deben facer os traballos no autobús pois dificilmente sairán ben.
• Hai que facelo en limpo, sen correccións e de forma ordenada
• Facelo a bolígrafo, e non a lapis e non empregar corrector se é posible.
• Débense facer sempre en folios en branco procurando facer as liñas rectas e, se é necesario, pódese usar una falsilla.
• Convén facer un borrador en sucio e despois pasalo a limpo.
• Non debe ser innecesariamente longo.
• Non se debe comer mentres se fai o traballo.
• Evitar distraccións como ver a televisión, estar xogando...
• 
  

Enxeñería mecatrónica

Enxeñaria mecatronica de Ana Arias Castro

Tipos de tractores

<

Tipos de tractores from Ana Arias Castro

br />